難忍~~最痛！

"齒"突然的隐隐痛；如空穴来了阵寒风！

今日有一個充份嘅理由可以俾我係屋企休息，
上星期掹完隻牙，因為牙肉收縮，而令牙骨發炎，
尋晚成晚都瞓唔著，痛到我夭心夭肺，
而醫生話，做再開刀，但唔係今日，
因為我長期都要服食簿血丸嘅關係，所以怕流血不止，
要我停服幾日至可以開刀除牙骨，即係話又要折磨我多幾日，

難忍~~最痛！

假如..........

有Ｄ愛情未必可以稱之為愛情，只係一瞬間嘅感動，
又或者只係一Ｄ莫名嘅心跳‧
有Ｄ人命中注定留在你嘅心裏面，
而有Ｄ人喺你心里面反而係....如煙似雲；可有可無‧

2009聖誕節嘅下午

今日係2009嘅聖誕節；悶悶地就約個friend出嚟行下街，
於是就同阿Ken去咗 The Curve 食下飯，嘆下茶，
同埋買Ｄ聖誕禮俾自己，嘻！




今年聖誕Ｄ燈飾靚唔靚得過舊年我就唔知，
不過年年都係冇變，一樣係咁多人圍住Ｄ聖誕佈置，
起勢咁影，有個人仲争"哎"霖棵聖誕樹㖭！真險！





呢張相係一間叫 shioktoys.com 嘅模型舖影嘅，
1/1 scale 仲大過我嘅頭，相信價錢大家都睇到啦！
死人伯伯﹣4188 　真"拿利"

2009嘅平安夜！

2009嘅12月24日﹣即係平安夜！
今日同往年一樣，放咗工，食完飯就去workshop......."自己一個人哩埋"嘻嘻！
事關同情人節一樣，唔敢一支公喺條街度行，好瘀㗎；哈哈哈哈！
希望明年今日，會搵到個鐘意嘅人，可以好似"連體嬰"咁......
過一個落雪嘅平安夜......白色嘅聖誕節！

預祝天下所有人，過一個溫馨，盡興嘅聖誕！

人生最痛苦嘅莫過此！

喺西遊記里面，孫悟空曾經講過，失去咗嘅時候先至後悔莫及；人生最痛苦嘅事莫過於此！
而我就覺得最痛苦嘅.........就係牙痛！
早幾日我隻補過嘅牙又再次赤赤痛；到今朝起身諗住擦牙嗰陣......
支牙擦唔小心隊到佢；嘩！痛到我吖！成個人跪咗喺地，仲出埋血㖭；陰公！
次次隔無幾耐就痛一痛，真係攞我命，所以我決定長痛不如短痛，一於將佢就地正法！
呢個星期六早上9點；就要去行刑！亦係我最驚嘅時刻！

就好似鍾意一個在乎自己嘅人，無論幾痛苦；你都感得係一種享受。
但係如果你偏偏鍾意咗一個，永遠當你係寂寞嗰陣時嘅玩物；
根本從來就無考慮過鍾意你嘅人，而你卻要忍受一次又一次會被冷落嘅痛苦；真係會好痛；
咁又何必去keep住呢份痛楚，不如及早離場！

失落的夜半工作

凌晨三點之前；係我獨自在某通宵營業嘅餐館里失落地打發時間；
然後便獨自出發去我工作嘅目的地；
路經隆市嘅街道；依然睇到燈紅酒綠；載歌載舞嘅畫面！





華麗而熟悉嘅香格里拉酒店；
里頭嘅sabah ballroom就係我今次工作嘅目的地。





經一輪會場監察之後；所有會場工作進度都在預期中安排妥當，
而最重要嘅目的就係multimedia test run！
因為係會展中最矚目嘅環節之一，不容有失！






610號房！係我和同事休息嘅房間；但對我同事嚟講；
反而係佢另一個繼續工作嘅地方！





第二日七點嘅清晨，從房間嘅落地玻璃窗，望出隆市嘅街道，
大厦林立，好有奮鬥目標嘅推動感，而遺憾嘅，可能係自己心有餘力不足！





落到ballroom, 應該set up嘅都搞掂晒，係時候做 rehearsal ！






呢班係我哋今次 event 嘅 PR 俏嬌娃!








今次event圓滿結束，我CEO就話嚟個大合照！

為人生仍然有憧憬飲杯，乾！

今日星期六，終於都可以抖番下，
是關尋日公眾假期我都要開工呀，真無癮！
一如以往，星期六我通常都會喺我workshop過夜，
砌我嘅模型打發時間，而今晚就就有Ｄ特別,
因為當砌到凌晨兩點幾嗰陣，唔知"戚"起邊條筋，
話要買Ｄ啤酒慶祝下喎，之後就到七仔附近嘅茶室；
買咗三支大啤，老細仲送咗袋冰㖭，



捽之四條友就一路砌模型，一路飲喇！
砌咩模型，慶祝咩吖！其實咪係各懷心事，
只不過係想借酒意放縱下，



人与人之间，都會有软弱嘅时候，
一Ｄ以为係互相连累，互相依赖嘅关系，
往往先至係令佢哋可以有勇气继续堅持落去嘅原因。

今晚大家都好開心，因為喺最無意中搵到Ｄ放縱；
喺最失落嘅时候，搵到共同扶持，
仲可能令其中一位朋友提出勇氣而帶嚟一段姻緣㖭，嘻！

人生真係好為難；總係要我哋喺遺憾中領略圓滿；
從分離嘅思念中領略相聚嘅幸福；
從背叛嘅痛苦中領略忠誠嘅可貴；
從失戀嘅悲傷中領略長相廝守；
而有好多事，喺這世上係改變唔到嘅；
當改變唔到嘅時候，唯有接受....或者....逃躲。

不敢回头望嘅人，又點樣向前看？

一个人要放弃一样嘢嘅話，一定有佢嘅原因。
之前坚持得越久，要放弃嘅时候就越痛。
呢種感受我哋唔需要去认同，但係应该去理解。

當我決定放弃嘅時候，我都好唔捨得，
而有Ｄ嘢留在身边；但只会唔开心嘅话，
基本上呢样嘢你無資格擁有。
假如，呢样嘢你永远永远都唔会忘记嘅话，
雖然無資格擁有，但你有權記住佢！
既然咁難忘！何必又要迫自己去忘記哩！

每件事；每個人都有佢嘅過去，
過去可能好難受，所以一直逃避；
但當你可以接受而面對嘅時候；
你就會發覺個情況原來無想像中咁災難！

所以話......
不敢回头望嘅人，又點樣向前看？

偏執嘅付出

有人問過我；爱情要點樣去衡量？
有人話是思念，思念就係爱情。
亦更加有人話，係................照顾和关心。
曾經，我以为，係................付出同埋牺牲。
而最多人答嘅，反而係................感觉。

但係最近我先至发现，爱情嘅量度单位係................「偏執」。
你对你鍾意嘅有幾偏執，你就有幾爱佢。

無論佢已經有心上人又好；
刻意去逃開你嘅心意又好；
甚至唔希罕你嘅關心都好；
但你仍然好在乎佢；
著緊佢；執迷不悔咁爱佢。
无论佢對你幾冷淡；你就係會爱佢；
呢Ｄ唔係"偏執"，又係咩？

爱情本来就唔係盲目嘅，
清醒而偏執嘅付出，先至係最盲目；
盲目到明知你同佢之間隔住道牆，
你都想撞破道牆；唯求希望可以近距離望下佢；

但我相信；雖然你一廂情願咁愛著佢；
呢種偏執嘅付出，終有一日會聲嘶力竭；筋疲力盡；
到時你就會學識要對你鍾意嘅人偏執；
首先.......就係要你鍾意嘅人需唔需要你嘅偏執？


唔知你曾否試這咁樣偏執去爱一个人呢？

一種情結，兩種關係

佢同佢係由訴苦，開解同埋好奇而了解；
之後就開始咗一段似幻似虛嘅關係，

佢.......每日每晚，甚至夜深都會俾電話佢，
目的只係想聽下佢把聲，

而佢.......每次都會不斷以電話短訊去聯絡佢，
目的係想佢keep住去緊張同在乎自己，

但係佢哋之間就止於呢種曖昧嘅關係，
只可惜因為對舊愛嘅餘情，
更因為怕開始新感情而有所窒步，
亦可能會因此無疾而終，
甚至會無聲無息咁消散㖭！

而留低嘅就只係.................
佢等緊舊愛；而
佢等緊佢嘅一種相同情結；

同埋兩種關係；
佢當佢情人；
而當佢係知己。

究竟係因為timing唔啱；
定係未ready?
又或者呢Ｄ叫feel啩

祖先的那一棍

在原始初民社会里，男人看上了女人，只要一棍把她打昏，
拖回洞里，大家从此就可以住在一起，快快乐乐地生活。

男人想获得女人芳心，必须有一技傍身。
那一技当然是指专业技能，最好是靠读很多书而获得的专业资格，
而不是靠当学徒学回来的技能。

渐渐，一技傍身也是不足够的。男人想得到女人垂青，
最好还有一层物业、一车和一笔可观的积蓄，有物业的男人是最有安全感的。

一技、一层物业、一车、一笔可观的积蓄，只是基本条件。
男人要得到女人，还要有一颗不变的心。光是提供物质是不足够的，
他必须让她觉得幸福。他必须承诺不会变心。他要很爱她，体贴她，照顾她。

有了一颗不变的心，他还要严格遵守一夫一妻的制度，与她一生相依。

今天的男人，为了把女人拖回洞里，先要苦学成材，然后要一技、
一层物业、一车、一笔积蓄、一颗不变的心、一夫一妻，一生相依。
最后，男人悲痛地发现。自己付出那么多，只换来晚上一宿。
他们一定很羡慕祖先的那一棍。

決定！

过去一百年嚟美国企业界所做錯誤嘅决定。

可口可乐在一九八五年决定抛弃可口可乐嘅旧配方。
當新配方推出之後，可口可乐嘅销量一落千丈。
三个月後，可口可乐狼狈地重新推出旧配方。

IBM放过了Windows，结果让Microsoft成为大蠃家。
係有史以来，美国公司所犯最大代价嘅错误。

踏入下一個年頭前；最後嘅一個月，你有無都反省一下自己所作嘅最差决定？
你在人生当中邊個决定最不堪回首，代价最大？

係爱上咗一个人？定係你無爱上任何人？

係离开咗一个好爱你嘅人？定係你放棄咗一个好爱你嘅人？

你對自己心爱嘅人講咗Ｄ傷害性嘅說話，而没法弭补？
又或者係有Ｄ说话，你始终無勇气向佢講，而想講嗰陣，已经迟咗。

你在A君和B君之中，选择了A君，然後你才发现你爱的是B君。

無论你過去曾经做过幾多錯誤嘅决定，
嚟緊新嘅一年。记取教训，決定之前；三思而後行。