為人生仍然有憧憬飲杯，乾！

今日星期六，終於都可以抖番下，
是關尋日公眾假期我都要開工呀，真無癮！
一如以往，星期六我通常都會喺我workshop過夜，
砌我嘅模型打發時間，而今晚就就有Ｄ特別,
因為當砌到凌晨兩點幾嗰陣，唔知"戚"起邊條筋，
話要買Ｄ啤酒慶祝下喎，之後就到七仔附近嘅茶室；
買咗三支大啤，老細仲送咗袋冰㖭，



捽之四條友就一路砌模型，一路飲喇！
砌咩模型，慶祝咩吖！其實咪係各懷心事，
只不過係想借酒意放縱下，



人与人之间，都會有软弱嘅时候，
一Ｄ以为係互相连累，互相依赖嘅关系，
往往先至係令佢哋可以有勇气继续堅持落去嘅原因。

今晚大家都好開心，因為喺最無意中搵到Ｄ放縱；
喺最失落嘅时候，搵到共同扶持，
仲可能令其中一位朋友提出勇氣而帶嚟一段姻緣㖭，嘻！

人生真係好為難；總係要我哋喺遺憾中領略圓滿；
從分離嘅思念中領略相聚嘅幸福；
從背叛嘅痛苦中領略忠誠嘅可貴；
從失戀嘅悲傷中領略長相廝守；
而有好多事，喺這世上係改變唔到嘅；
當改變唔到嘅時候，唯有接受....或者....逃躲。