NICE TO MEET U, ALAIN!

因為工作關係要接觸來自法國嘅 "蜘蛛俠"-Alain Robert
今晚同佢喺酒店食飯飲酒，起先睇見佢嘅樣不可一世，
原來識落佢份人好nice, 好有個人理想，
佢話我知原來佢唔介意攀爬後被警察拘捕，仲幾enjoy㖭,
因為攀爬世界著名嘅高樓大厦，唔係因為要出名，
而係一個夢想；做一Ｄ自己覺得做到嘅嘢！
突然間覺得，如果可以完成自己的心願，
無論成功與否，都此生無悔！
最後好多謝佢送咗本親筆簽名嘅自傳！
NICE TO MEET U, ALAIN!

2010年嘅第二個工作日

進入2010年嘅第二個工作日；凌晨12點20分！由於其他部門同事嘅工作進度，
再加上只有三日期限； 以至令我嘅部門要趕工，希望聽晚唔駛再OT啦！:-(
星期五晚期限過後，真係要好好咁嘆番下！

2010年嘅第一日

2010年嘅第一日，係我覺得被忽視後而又被重視番嘅一日！雖然個感覺唔同咗，但呢一日真係值得記住。
今日之前，總以為只要有誠意有堅持，你就會有回報呢個信念，原來唔係每樣都work！
之前嘅堅持直到2009年嘅最後一刻，應該係時候要停止，開始去學識點樣去面對，點樣去接受，
點樣去迎接新嘅一年，新嘅開始，同埋另一種新嘅堅持！
例如以前一直堅持都唔肯透露而又有人有興趣知嘅事，終於都和盤托出，嘻嘻！
就當寓意著將過去嘅嘢完成，唔好再keep住佢，希望新嘅一年會可以有個新方向！
做番自己一直都鍾意做而又不了了之嘅旅行計畫；見識多Ｄ，最好就可以遇到段姻緣啦，嘻！